【Frog or Toad ??】

你小學都應該聽過「青蛙」係兩棲動物，不過我諗你小學應該冇教過兩棲類又有分無足，有足和無尾類卦。而「青蛙」就係屬於無尾類。但係「青蛙」入面又有分兩類喎!!你都咪話唔煩。我們俗稱的青蛙有兩大類:真青蛙同埋真蟾蜍，佢地都好相似。「怎樣分辨真青蛙與真蟾蜍?」如果你閱讀有關兩棲類的書籍，你多數會見到這個問題。點解?因為佢o地真係好似樣。唔信?!睇下圖你就會相信。

(a)	(b)

           你不妨估o下(a)同(b)邊隻先至係青蛙。其實(a)先至係青蛙， 試下留意下佢o地o既分別。青蛙多數皮膚濕潤平滑(唔駛用護膚品都咁滑)，身形較纖細，有較長的後腿趾間膜。

        而蟾蜍皮膚則多數有疣(有一粒粒)而較乾，後腿較短，趾間冇膜。蟾蜍仲有樣特別的部份，就係佢眼後面的腺體(Prominent parotid glands)(下圖紅箭咀指住)，能分泌出有毒物質，接觸到眼睛或皮膚，會有灼熱的感覺。

        仲有一個分別佢地o既方法，科學家發現青蛙胸部的軟骨係連接起來的。而蟾蜍的軟骨是重疊的，不過你乜理由會割開佢睇o架。

         不過以上的方法只能分別大部份，不能一概而論。因為生物是沒有絕對的，它不像數學，1+1=2。我現在就給你一個例外。睇下呢幅圖。

<<<< 牠是Tree Toad(對唔住。唔知中文名係乜...)，雖然佢o既皮膚異常地滑，但係佢都屬於係蟾蜍的一類。

            睇完呢頁，你係咪已經知道點樣分辨青蛙同蟾蜍呢?唔係?!冇所謂~至少你已經知道有青蛙同蟾蜍呢兩樣野。如果你想再睇多o的有關牠們的例子，可以去「世界蛙」睇下，入面有更多其他品種的青蛙和蟾蜍。

| 蛙之序 | Frog or Toad? | 蛙life!! | 骨骼標本  

| 世界蛙 | 組員 |  留言冊 | Contact us | 回首頁 |